Ni umukino w'umunsi wa 22 wa shampiyona y’u Rwanda wabereye kuri Stade ya Kamena aho Mukura VS yari yakiriye Al Hilal ibitego 3-1

Ni umukino watangiye sa Cyenda Mukura VS yatangiye isatira izamu rya Al HilalSC, uburyo bwa mbere bwabonetse ku munota wa cyenda aho Iradukunda Elie Tatu yarekuye ishoti rikomeye rinyura iruhand erw’izamu y'izamu .

Mukura VS yokomeje gusatira Al Hilal SC aho ku munota wa 11 Mutsinzi Patrick yateye ishoti , umunyezamu wa Al Hilal awushyira muri koruneri.

Ku munota wa 22 Al Hilal SC yahushije penaliti, yatewe na Emmanuel Flomo. Mukura VS ntabwo yacitse intege, yakomeje gusatira aho Irumva Justin yahushije igitego ari wenyine.

Umunota wa 26 Mutsinzi Patrick yatsinze igitego cya mbere cya Mukura VS ku amakosa ya ba myugariro ba Al Hilal SC.

Mukura VS yakomeje gusatira izamu rya Al Hilal SC yarushwaga cyane ku buryo ku munota wa 32 Boateng Mensah yatsinze igitego cya kabiri cya Mukura.

Mukura yari yihariye umukino ku munota wa 45 Iradukunda Elie Tatou na none yateye ishoti rikomeye umuzamu ararifata. Igice cya mbere kirangira Mukura VS itsinze ibitego 2-0.

Igice cya kabiri gitangiye Hilal ikora impinduka ebyiri, ku munota wa 50 Al Hilal SC yahushije uburyo bukomeye imbere y'Izamu rya Mukura VS. Ku munota wa 59 Mukura VS yongeye kurata uburyo bukomeye Justin nyuma yakazi kari gakozwe na Elie Tatu.

Ku munota wa 65 Hilal SC yatsinze igitego cyinjijwe na Steven Ebuela. Ku munota wa 74 Mukura VS yabonye igitego cya gatatu myugariro wa Al Hilal SC Altayeb Abdalrazig yitsinze.

Iminota 90 yarangiye Mukura VS itsinze Al Hilal SC ibitego 3-1, iba ikipe ya kane itsinze iyi kipe yo muri Sudan iri mu mikino ya 1/4 Cya Caf Champions league.

Al Hilal SC yagumye ku mwanya wa mbere n'amanota 42 mu gihe Mukura VS yahise igira amanota 34 ku mwanya wa gatandatu.