Marine FC yaguye miswi na Al-Merrikh SC

Marine FC yo mu karere ka Rubavu yihagazeho mu mukino wo kwishyura wa shampiyona y'u Rwanda imbere ya Al Merrikh binganya igitego 1-1 mu mukino waranzwe n'ishyaka ryinshi ku mpande zombi.

Inota rimwe Marine FC yavanye kuri Al-Merrikh kuri iki cyumweru tariki 08 Gashyantare 2026, mu mukino yakiriye mu rugo kuri Sitade Umuganda, mu mukino uryoheye amaso.

Ni mu gihe umukino ubanza wahuje aya makipe wabaye tariki 10 Ukuboza 2025, warangiye Al Merrikh SC itsinze igitego 1 - 0 bwa Marine FC, nacyo cyatsinzwe na Dauda Ba.

Mu mukino wo kwishyurawo kuri uyu munsi Marine yari yakomeje kwihagaraharagaho mu bwugarizi, Dauda Ba ku munota wa 45' mbere y'uko igice cya mbere kirangira yateretsemo igitego, ndetse bajya kuruhuka Al-Merrikh SC iri imbere.

Mu gice cya kabiri cy'umukino Marine FC yaje ikeneye kwishyura igitegetso yatsinzwe yanyuzagamo igasatira izamu rya Al-Merrikh SC ndetse biza kuyikundira, kuko ku munota wa 80 Sultan Bobo yabashije kureba mu nshundura, yishyura igitego bari batsinzwe ndetse umukino uza kurangira banganya.

Marine FC yakinaga umukino wa 19 iraye ku mwanya wa 9 n'amanota 27, mu gihe Al-Merrikh SC iraye ku mwanya wa kane n'amanota 33 mu mikino 17 imaze gukina.

Marine FC izakurikizaho 15 Gashyantare 2025 izakira Gicumbi FC, mu gihe tariki 10 Gashyantare 2026, Al-Hillal na Al-Merrikh SC nazo zicakirane.