Marine FC yari yakiriye APR FC, kuri uyu wa gatandatu, tariki 07 Werurwe 2026 yinjiye mu mukino neza, ndetse ku munota wa gatanu, Ndombe Vingile yateretsemo igitego cya mbere.
Marine FC yakomeje gukina neza, ari na ko inyuzamo igasatira izamu rya APR FC yari yarushijwe cyane mu kibuga hagati.
Marine FC yakomeje kotsa igitutu, ndetse kubera guhuzagurika kw'abakina bugarira muri APR FC, ku munota wa 41 Mbonyubwami Taiba yahawe umupira ari mu rubuga rw'amahina awutereka mu rushundura, igice cya mbere kirangira ari ibitego 2 - 0.
Igice cya kabiri cyatangiranye impinduka ku mpande zombi, aho Muganuza Jean Pierre na Nkundimana Fabio binjiye mu kibuga ku ruhande rwa Marine FC, havamo Ishimwe Kevin na Sultan Bobo.
Ni mu gihe APR FC yakuye mu kibuga Memel Dao asimburwa na Hakim Kiwanuka, Denis Omedi asimburwa na Mugisha Gilbert.
Ku munota wa 46, APR FC yinjiranye imbaraga, Djibril Ouattara yatsinze igitego kivuye ku mupira yahawe na William Togui, ibitego biba bibaye 2 - 1.
Ku munota wa 50, Nshimiyimana Yunusu yatakaje umupira ufatwa na Ndikumana Fabio wa Marine FC, awuhaye Mbonyumwami ananirwa kuwushyira mu izamu arebana na ryo wenyine.
Ku munota wa 58' Djibril Ouattara yatsinze igitego cya kabiri cya APR FC kuri penaliti, ku mupira wavuye ku ruhande rw'iburyo bw’Ikipe y’Ingazo z’Igihugu.
Ku munota wa 78 Niyigena Clement wa APR FC yasohowe mu kibuga bamutwaye ku ngobyi nyuma yo kugongana na rutahizamu wa Marine FC, Mbonyumwami Taiba.
Marine FC yakomeje kotsa igitutu APR FC ndetse ku munota wa 80 igerageza amahirwe ariko numero 18 wayo ateye umupira unyura impande gato z'izamu.
Ku munota wa 85' abakinnyi ba APR FC nabo basatiriye izamu ariko habura usobyamo igitego, ubwo umunyezamu yari aryamye hasi.
Mu minota y'inyongera y'umukino, APR FC yakomeje kugerageza uburyo bwavamo igitego ariko amahirwe abakinnyi bayo bakina basatira ntibagire icyo bayakoza.
Muri iyi minota William Togui na Djibril Ouattara bateye amashoti mu izamu basobyamo ariko wanga kwinjira ushyirwa muri koruneri n'umunyezamu wa Marine FC, Irambona Vally.
Marine FC nayo yagiye isatira ariko abakinnyi bagatera mu ntoki z’umunyezamu no hanze ya ryo.
Ku munota wa 90 w'umukino APR FC yabonye amahirwe akomeye, abakinnyi bahererekanya umupira mu rubuga rw'amahina, ariko Ruboneka Jean Bosco atera hejuru y'izamu arebana n'umuzamu bonyine.
APR FC yanganyije na Marine FC ibitego 2-2 ikomeza kugira amanota 43, ayigumisha ku mwanya wa kabiri, irushwa abiri na Al Hilal SC iri ku mwanya wa mbere, ndetse umukino izakurikizaho ku itariki 14 Werurwe 2026 izakira Musanze FC.
Nyuma y'uyu mukino, Marine FC yagumye ku mwanya wa cyenda n'amanota 29.
_1.JPG)
.JPG)
.JPG)
.JPG)
.JPG)
.JPG)
_1.JPG)
.JPG)
.JPG)
