Kigali, Rwanda
Updates
Al Merrikh SC 3-0 ETOILE DE L'EST • Today | Al Merrikh SC yazamutse ku rutonde rwa BK Pro League itsinze Etoile de l'Est | Al Hilal SC yatsinze Bugesera FC ifata umwanya wa gatanu | Cheick Djibril Ouattara yongereye amasezerano muri APR FC | Marine FC yisubije umwanya wa mbere ku rutonde rwa BK Pro League | Tuyishimire Jonas yafashije Sunrise FC kunganya na Al Merrikh SC Al Merrikh SC 3-0 ETOILE DE L'EST • Today | Al Merrikh SC yazamutse ku rutonde rwa BK Pro League itsinze Etoile de l'Est | Al Hilal SC yatsinze Bugesera FC ifata umwanya wa gatanu | Cheick Djibril Ouattara yongereye amasezerano muri APR FC | Marine FC yisubije umwanya wa mbere ku rutonde rwa BK Pro League | Tuyishimire Jonas yafashije Sunrise FC kunganya na Al Merrikh SC
News 1 min read

Rwanda Premier League yashyizeho imyanya yagenewe abanyabigwi ku mikino ya BK Pro League

Rwanda Premier League 11:50 AM Updated

Rwanda Premier League yashyizeho uburyo bushya bwo kwinjiza abanyabigwi bakanyujijeho bagahesha ishema igihugu mu mupira w’amaguru, abatoza n’abasifuzi ku mikino ya BK Pro League.

Ubu buryo bukubiye mu ibaruwa RPL yandikiye amakipe yose akina BK Pro League, burimo gushyiraho ahagenewe abanyabigwi hazwi nka “Legends Corner”, kunoza uburyo amatike agenerwa RPL n’abafatanyabikorwa bayo atangwa ndetse no gushishikariza amakipe kwinjiza abana muri sitade ku buntu.

Hashyizweho ahagenewe abanyabigwi muri sitade

Iyi gahunda irareba abahoze bakinira Ikipe y’Igihugu, Amavubi, abatoza n’abayobozi ba tekiniki mu makipe akina BK Pro League n’abasifuzi na ba komiseri muri BK Pro League.

Ikipe yakiriye kandi ifite uburenganzira bwo kwinjiza abakinnyi bahoze bayikinira.

Mu rwego rwo guha agaciro uruhare abahoze bakinira Ikipe y’Igihugu, ‘Amavubi’, abatoza, abayobozi ba tekinike n’abasifuzi bagira mu iterambere ry’umupira w’amaguru mu Rwanda, RPL yategetse amakipe gushyiraho ahantu hihariye hazajya hicara abo mu byiciro byavuzwe haruguru.

Muri sitade zifite imyanya iri munsi y’ibihumbi bitanu, ikipe yakiriye umukino izajya iteganya imyanya 25 ya 'Legends Corner' naho sitade zifite imyanya irenga ibihumbi bitanu, hazajya hateganywa imyanya 50.

Iyi gahunda igamije gufasha abanyabigwi n’abandi bagize uruhare mu iterambere ry’umupira w’amaguru gukomeza gukurikirana imikino ya BK Pro League no gukomeza kugira uruhare mu iterambere ry’uyu mukino.

Ishyirahamwe ry’abakinnyi, Footballers Association for Player Advocacy (FAPA), ku bufatanye n’ishyirahamwe ry’abatoza, Association of Football Coaches in Rwanda (AEFR), bazajya bategura urutonde rw’abemerewe kwinjira muri iyi myanya, ruzajya rugezwa ku ikipe yakiriye umukino ku munsi wawo.

Iyi myanya izajya itegurwa ahantu hatwikiriye neza muri sitade cyangwa mu gice cya VIP, bitewe n’imiterere ya stade. Ntabwo izajya igurishwa cyangwa ngo ishyirwe muri sisitemu ikoreshwa mu kugurisha amatike.

Iyi gahunda izatangira gushyirwa mu bikorwa guhera ku munsi wa gatanu wa BK Pro League 2026/2027.

Full time

Enjoyed this story?

Share it with your fellow fans.