FERWAFA yashyize hanze abasifuzi b’umukino wa Al Hilal SC na APR FC

Ishyirahamwe ry’umupira w’amaguru mu Rwanda, FERWAFA ryashyize hanze abasifuzi b’umukino Al Hilal SC yakiramo APR FC kuri uyu wa Kabiri tariki 10 Gashyantare saa Cyenda z’igicamunsi kuri Kigali Pelé Stadium.

Umusifuzi wo hagati ni Ishimwe Jean Claude ’Cyucyuri’, umwungiriza wa mbere ni Mutuyimana Dieudonne, uwa kabiri ni Umutesi Alice, uwa kane ni Nshmiyimana Remy Victor mu gihe Komiseri ari Kamanzi Emery.

Ishimwe Jean Claude amaze gusifura imikino itatu muri Shampiyona y’uyu mwaka, uwo Musanze FC yatsinzemo Gicumbi FC ibitego 3-2 tariki 8 Ugushyingo 2025, uwo APR FC yatsinzemo Mukura VS igitego 1-0 tariki 19 Ukwakira 2025 ndetse n’uwo Marine FC yatsinzemo Rutsiro FC ibitego 2-0 tariki 4 Ukwakira 2025. Muri iyi mikino yose yatanze amakarita ane y’umuhondo, nta itukura aratanga.

APR FC iyoboye urutonde rwa Shampiyona n’amanota 37 igakurikirwa na Al Hilal SC n’amanota 35.

FERWAFA yashyize hanze abasifuzi b’umukino wa Al Hilal SC na APR FC