Al Hilal SC yatsinze APR FC ibitego 2-0 mu mukino w’Umunsi wa 15 wa Rwanda Premier League. Uyu mukino wabaye ku wa Kabiri, tariki ya 10 Gashyantare 2025 kuri Kigali Pelé Stadium.
APR FC yatangiye umukino neza isatira ari nako igerageza uburyo bw’ibitego butandukanye ariko abarimo Djibril Ouattara na Hakim Kiwanuka ntibaboneze mu izamu.
Mu minota 15, Al Hilal yatangiye kwinjira mu mukino, Adama Coulibali na Emmanuel Flomo bagora ab’inyuma ba APR FC.
Coulibali yakorewe ikosa, umusifuzi Ishimwe Claude atanga coup franc yari ahantu heza ku ruhande rwa Al Hilal.
El Hadji Madicke Kane yayiteye neza atsinda igitego cya mbere ku munota wa 23.
Mu minota 30, iyi kipe yo muri Sudani yakomeje gukina neza no guhusha ibitego byinshi, ku buryo bwabonwaga na Emmanuel Flomo ariko umunyezamu Hakizimana Adolphe akabyitwaramo neza.
Igice cya mbere cyarangiye Al Hilal yatsinze APR FC igitego 1-0.
Iyi kipe yo muri Sudani yatangiranye igice cya kabiri impinduka, Girumugisha Jean Claude na Ernest Luzolo basimbura Adama Coulibali na Waliedin Daiyeen.
Mu minota 60, Al Hilal yakinaga neza ishaka ibindi bitego ariko myugariro Niyigena Clement na Nshimiyimana Yunusu bakabyitwaramo neza.
APR FC yahushije uburyo bukomeye bw’igitego ku munota wa 72 , ku mupira Ruboneka Bosco yateye, umunyezamu Mohamed Mustafa ntiyawukomeza Ouattara asongamo, umupira uca hanze gato y’izamu.
Ikipe y’Ingabo yahise ikora impinduka Memel Dao na Mamadou Sy basimbura Ruboneka Bosco na Djibril Ouattara.
Ku munota wa 76, Al Hilal yahushije ibitego bibiri ku mipira ikomeye yatewe igakubita ku giti n’umutambiko w’izamu.
Nyuma y’iminota ibiri gusa, Girumugisha yazamukanye umupira yihuta awuhindura imbere y’izamu usanga Flomo atsinda igitego cya kabiri ku munota wa 78.
.jpeg)
Cyabaye igitego cya 11 uyu rutahizamu ukomoka muri Liberia amaze gutsinda muri shampiyona.
Umukino warangiye Al Hilal SC yatsinze APR FC ibitego 2-0, isubira ku mwanya wa mbere muri shampiyona n’amanota 38.
Mu mikino 16 iyi kipe imaze gukina yatsinze 12 inganya ibiri, itsindwa ibiri, mu gihe izigamye ibitego 31.
APR FC yagumye ku mwanya wa kabiri n’amanota 37, aho mu mikino 19 imaze gukina yatsinze 10 inganya irindwi itsindwa ibiri.
_1.JPG)
.JPG)
.JPG)
.JPG)
.JPG)
.JPG)
_1.JPG)
.JPG)
.JPG)
