.JPG)
Nyuma yo gutsinda imikino ibiri iheruka ya Shampiyona, Rayon Sports yatsinze Mukura VS ibitego 2-1 mu mukino w’umunsi wa 21 wa Shampiyona, biyihesha kotsa igitutu izirimo Police FC na APR FC.
Ni umukino wabereye kuri Kigali Pelé Stadium, kuri iki Cyumweru, tariki ya 22 Gashyantare 2026.
Wabanjirijwe n’uwari wahuje AS Kigali yatsinzwe na Al-Merrikh SC igitego 1-0.
Murera yaje gukina uyu mukino idafite abakinnyi barimo Richard na Kitoga kubera umubare w’abanyamahanga benshi ikipe ifite.
Rayon Sports yari ifite inyota y’aya manota, yatangiye neza mu igice cya mbere, inabonamo igitego cya mbere ku munota wa mbere. Ni igitego cyatsinzwe na rutahizamu wayo ukomoka muri Cameroun ukina anyuze mu mpande, Aziz Bassane.
Ni nyuma y’amakosa yakozwe na Joseph Sackey wa Mukura VS watakaje umupira, ufatwa na Bigirimana Abedi wawuhereje Ndikumana Asman na we awuhereza Bassane mu buryo bwihuse.
Mbere y’uko iminota 45 y’igice cya mbere irangira, Rayon Sports yabonye igitego cya kabiri cyatsinzwe na myugariro wayo Ramazani Tshimanga ku munota w’inyongera (45+1).
Murera yahise ijya kuruhuka iyoboye n’ibitego 2-0, byayihaga icyizere cyo kuza kubona amanota yuzuye.
.jpeg)
Mu gice cya kabiri, Mukura VS yakoze impinduka ikuramo Mbonyamahoro Serieux, Niyonizeye Fred na Nisingizwe Christian, basimburwa na Samuel Pimpong, Jordan Dimbumba na Mutsinzi Patrick.
Aba bakinnyi bayigashije kuko yahise itangira kurusha Rayon Sports cyane, ndetse iza kubona n’igitego cya mbere cyo kwishyura ku munota wa 77, gitsinzwe na Joseph Sackey.
Ku munota wa 84, Samuel Pimpong wa Mukura VS yashyize umupira mu izamu wari uvuye muri koruneri, ariko Uwikunda Samuel avuga ko yabangamiye umunyezamu Kwizera Olivier ahita anamwereka ikarita y’umuhondo.
Mutsinzi Patrick yacenze Bayisenge Emery ku munota wa 90, ateye umupira mu izamu ushyirwa muri koruneri na Uwumukiza Obed yakojejeho akaboka, ariko Umusifuzi avuga ko nta penaliti.
Murera yakomeje gucunga ibitego byayo ndetse iminota 90 irangira ibonye intsinzi y’ibitego 2-1, ijya ku mwanya wa gatanu n’amanota 35, aho irushwa atandatu na Al-Hilal SC iri ku mwanya wa mbere.
Iyi kipe iterwa inkunga n’Akarere ka Huye, yo iri ku mwanya wa munani n’amanota 31.
Undi mukino wabaye kuri iki Cyumweru, wabereye mu Karere ka Bugesera, aho Musanze FC yahatsindiye Bugesera FC ibitego 2-1, mu mukino Hirwa Jean de Dieu yaherewemo ikarita y’umuhondo.
Abanya-Musanze batsindiwe na Ntijyinama Patrick na Mutsinzi Charles ba Musanze FC, mu gihe icyo Bugesera FC yatsinze cyinjijwe na Rugangazi Prosper.
_1.JPG)
.JPG)
.JPG)
.JPG)
.JPG)
.JPG)
_1.JPG)
.JPG)
