Kigali, Rwanda
Updates
Al Merrikh SC 1-1 GORILLA FC • Today | ETINCELLES FC 0-2 KIGALI FC • Today | GICUMBI FC 2-1 MUSANZE FC • Today | Al Merrikh SC na Gorilla FC zagabanye amanota | Rayon Sports yaguye miswi na APR FC | Al Hilal SC yafashe umwanya wa gatatu nyuma yo gutsinda Police FC | Kiyovu Sports yanyagiye Gasogi United ifata umwanya wa kabiri by'agateganyo | Amagaju FC ituzuye yihagazeho imbere ya Marine FC Al Merrikh SC 1-1 GORILLA FC • Today | ETINCELLES FC 0-2 KIGALI FC • Today | GICUMBI FC 2-1 MUSANZE FC • Today | Al Merrikh SC na Gorilla FC zagabanye amanota | Rayon Sports yaguye miswi na APR FC | Al Hilal SC yafashe umwanya wa gatatu nyuma yo gutsinda Police FC | Kiyovu Sports yanyagiye Gasogi United ifata umwanya wa kabiri by'agateganyo | Amagaju FC ituzuye yihagazeho imbere ya Marine FC
News 2 min read

Amagaju FC ituzuye yihagazeho imbere ya Marine FC

Rwanda Premier League 5:34 PM

Ikipe y’Amagaju FC yakinnye igice cya kabiri cyose idafite umukinnyi wayo ngenderwaho Potty Masimango weretswe ikarita y’umutuku, yihagazeho imbere ya Marine FC iyoboye urutonde rwa Shampiyona, amakipe yombi anganya 0-0 mu mukino w'umunsi wa cyenda wa BK Pro League.

Uyu mukino wabereye kuri Stade Kamena i Huye kuri uyu wa Gatanu, tariki ya 20 Ugushyingo 2026, wasize Marine FC igumye ku mwanya wa mbere n’amanota 15 mu gihe Amagaju FC yafashe umwanya wa 12 n'amanota umunani.

Iminota 15 ya mbere yaranzwe no gukinira mu kibuga hagati nta kipe irema uburyo bukomeye imbere y'izamu. Ku munota wa 20, myugariro Karihungu Nganizi yahinduye umupira mwiza mu rubuga rw’amahina, Mukire Confiance wa Marine FC yenda kwitsinda ariko umupira urengera muri koruneri.

Marine FC na yo yagerageje uburyo binyuze kuri Bizimana Yannick winjiye mu rubuga rw’amahina ku ruhande rw'ibumoso, ariko abangamirwa na Muhayimana Martin, atera ishoti ridakanganye ryafashwe n’umunyezamu Sebwato Nicholas. 

Ku munota wa 29, Potty Masimango yacenze abakinnyi batatu ba Marine FC ariko ateye ishoti ridafite imbaraga umunyezamu ararifata.

Igice cya mbere kitari kiryoheye ijisho ryashojwe n'ikarita y'umutuku yahawe Potty Masimango ukina mu kibuga hagati afasha ba rutahizamu. Uyu musore usanzwe uri mu bo iyi kipe igenderaho yakandagiye Twizerimana Innocent hagati mu kibuga, umusifuzi Ugirashebuja Ibrahim amuha ikarita ya kabiri y'umuhondo yabyaye iy'umutuku, nyuma y'iya mbere yabonye ubwo yakoraga amakosa ku munota wa 28.

Amakipe yombi yagiye ku ruhuka nta gitego kibonetse, nubwo mu mibare Amagaju yari amaze gutera amashoti atatu agana mu izamu, Marine yo yateye rimwe gusa. 

Mu gice cya kabiri, Umutoza wa Marine FC, Rwasamanzi Yves, yashyize imbaraga mu busatirizi yinjiza Nyarugabo Moise asimbura Kapiteni Usabimana Olivier ku munota wa 61.

Yongeyemo kandi Sindi Paul Jesus, Ishimwe Fiston na Sibomana Sultani Bobo ku munota wa 76 kugira ngo abyaze umusaruro kuba bakina n'ikipe ituzuye.

Ku ruhande rw’Amagaju FC, Umutoza Nshimiyimana Pierre Canisius yakoze impinduka akuramo myugariro Niyitegeka Saidi yinjiza Gloire Shaban Salomon ngo afashe hagati mu kibuga. 

Nubwo bari bake, ku munota wa 80 Lody Rodrigue Mwinyi yateye ishoti rikomeye rigana ku izamu rikorwaho na Mukire Confiance rijya muri koruneri yatewe neza ariko Irutingabo Boris ananirwa kuyiboneza mu nshundura.

Marine FC yahise ikora 'contre-attaque' yihuse binyuze kuri Sindi Paul wahereje umupira Niyibizi Ramadhani, atera ishoti rikomeye ari inyuma y'urubuga rw'amahina ariko umunyezamu Sebwato Nicholas aratabara awushyira muri koruneri. 

Uyu munyezamu w’Amagaju FC ni na we watowe nk’Umukinnyi w’Umukino nyuma yo gukuramo amashoti atandatu yari yabazwe.

Mu minota itanu y'inyongera, Amagaju FC yikanze ko abonye igitego ku mupira w'umuterekano watewe na Kapiteni Dusabe Jean Claude 'Nyakagezi' ukubita umutambiko w'izamu ugaruka mu kibuga, ariko umusifuzi Ugirashebuja Ibrahim n'umusifuzi wa kabiri wo ku ruhande, Ndagijimana Peace Eric, bemeza ko utarenze umurongo w'izamu.

kunganya uyu mukino byatumye Amagaju afata umwanya wa 12 n'amanota 8, mu gihe Marine FC yo yagumye ku mwanya wa mbere n'amanota 15.

Mu mikino y'umunsi wa 10 wa BK Pro League, Amagaju FC azasura Al Hilal SC tariki ya 23 Ugushyingo 2026, mu gihe Marine FC izakira Etoile de l'Est i Rubavu tariki ya 25 Ugushyingo.

Full time

Enjoyed this story?

Share it with your fellow fans.