Kigali, Rwanda
Updates
ETINCELLES FC 0-2 KIGALI FC • Today | GICUMBI FC 2-1 MUSANZE FC • Today | Al Merrikh SC 1-1 GORILLA FC • Today | Al Merrikh SC na Gorilla FC zagabanye amanota | Rayon Sports yaguye miswi na APR FC | Al Hilal SC yafashe umwanya wa gatatu nyuma yo gutsinda Police FC | Kiyovu Sports yanyagiye Gasogi United ifata umwanya wa kabiri by'agateganyo | Amagaju FC ituzuye yihagazeho imbere ya Marine FC ETINCELLES FC 0-2 KIGALI FC • Today | GICUMBI FC 2-1 MUSANZE FC • Today | Al Merrikh SC 1-1 GORILLA FC • Today | Al Merrikh SC na Gorilla FC zagabanye amanota | Rayon Sports yaguye miswi na APR FC | Al Hilal SC yafashe umwanya wa gatatu nyuma yo gutsinda Police FC | Kiyovu Sports yanyagiye Gasogi United ifata umwanya wa kabiri by'agateganyo | Amagaju FC ituzuye yihagazeho imbere ya Marine FC
News 1 min read

Rayon Sports yaguye miswi na APR FC

Rwanda Premier League 7:57 PM

Rayon Sports yanganyije na APR FC igitego 1-1 mu mukino w’Umunsi wa Cyenda wa BK Pro League. 

Uyu mukino wari wahuruje imbaga y’abafana wabereye kuri Stade Amahoro ku wa Gatandatu, tariki ya 21 Ugushyingo 2026. 

Ni umukino watangiye wihuta amakipe yombi afite ishyaka ryinshi anasatirana. 

Myugariro Charles Tchouplaou, yazamukanye umupira awucomekera Issa Djiguiba atera ishoti rikomeye ari hanze y’urubuga rw’amahina atsinda igitego cya mbere cya Rayon Sports. 

Mu minota 25, umukino watuje Gikundiro ikomeza kwiharira umupira cyane ariko kurema uburyo bukomeye imbere y’izamu bikaba ikibazo. 

Ikipe y’Ingabo yatangiye kwibona mu mukino mu minota 35 ariko Amani Michel na Djibril Ouattara ntibabyaze amahirwe uburyo babonaga. 

APR FC yakomeje gusatira cyane ishaka kwishyura igitego. Ishimwe Christian yahinduye umupira mwiza imbere y’izamu, Ouattara ntiyawukoraho usanga William Togui akina n’umutwe yishyura igitego cya mbere, ku munota wa 45.

Igice cya mbere cyarangiye amakipe yombi anganya igitego 1-1. 

Rayon Sports yatangiranye igice cya kabiri impinduka, Muhoza Daniel asimbura Atisso Kodjo. 

Mu minota 60, umukino wihutaga cyane amakipe yombi ahushanya uburyo bwinshi bw’ibitego. 

Ikipe y’Ingabo yakoze impinduka Memel Dao na Amani Michel basimburwa na Hakim Kiwanuka na Uwiyaremye Fidali. 

Umukino wakomeje kuryoha no kwihuta ariko kureba mu izamu bikaba ibamba ku mpande zombi. 

Umukino wakomeje kugenda muri uwo mujyo igitego gikomeza kubura. 

Ku munota 89, umutoza wungirije wa APR, Taieb Hassan yahawe ikarita itukura kubera gushwana n’abasifuzi. 

Umukino warangiye amakipe yombi yanganyije igitego 1-1. Rayon Sports ikomeza kugorwa no kubona intsinzi kuri mukeba. 

Myugariro wa Rayon Sports, Charles Tchouplaou yatowe nk’umukinnyi mwiza w’umukino.

Uyu mukino kandi wasize Gikundiro ku mwanya wa cyenda n’amanota icyenda, mu gihe Ikipe y’Ingabo iri ku wa 12 n’amanota umunani.

Full time

Enjoyed this story?

Share it with your fellow fans.