Igitego cya Tambwe Gloire mu gice cya kabiri cyafashije Rayon Sports gutsinda Police FC 1-0, ifata umwanya wa gatanu ku rutonde rwa Rwanda Premier League.
Uyu mukino w’Umunsi wa 20 wa Shampiyona wabereye kuri Kigali Pelé Stadium kuri uyu wa Gatanu, tariki ya 13 Gashyantare 2026.
Police FC ni yo yinjiye mu mukino mbere, ariko abakinnyi bayo barimo Ani Elijah na Byiringiro Lague bagorwa no kubyaza umusaruro uburyo babonye.
Umutoza Ben Moussa yakoze impinduka hakiri kare, myugariro Ndayishimiye Dieudonné asimburwa na Kirongozi Richard nyuma yo kuvunika.
Mu minota yose yakuriyeho mbere y’uko igice cya mbere kirangira, uburyo bumwe bukomeye bwabonetse ni umupira watewe na Bayisenge Emerry unyura ku ruhande rw’izamu.
Rayon Sports yafunguye amazamu, iminota itandatu nyuma yo kuva kuruhuka, ku mupira watakajwe na Iradukunda Simeon, ufatwa na Tambwe Gloire warobye umunyezamu Rukundo Onésime.
Habura iminota 12 ngo umukino urangire, Ndikumana Asman yashoboraga gutsinda igitego cya kabiri ku mupira wahinduwe na Mugisha Didier, ariko awukina nabi ujya ku ruhande.
Kugongana kwa Ani Elijah n’umunyezamu Kwizera Olivier ku munota wa 82 byatumye hongerwa iminota 10 kuri 90 isanzwe, ariko yose irangira nta zindi mpinduka zibayeho.
Iyi ntsinzi yabaye iya kabiri yikurikiranya kuri Rayon Sports yaherukaga gutsinda AS Kigali igitego 1-0 naho Police FC itsindwa umukino wa kabiri yikurikiranya kuko na yo yaherukaga gukina n’Abanyamujyi.
.jpeg)
.jpeg)
Rayon Sports yafashe umwanya wa gatanu n’amanota 32 mu gihe Police FC ifite amanota 34 ku mwanya wa gatatu.
_1.JPG)
.JPG)
.JPG)
.JPG)
.JPG)
_1.JPG)
.JPG)
