APR FC, Al Merrikh SC na Rayon Sports zasezerewe, Al Hilal SC ikomeza mu matsinda y’imikino nyafurika

APR FC na Rayon Sports yasezerewe muri CAF Champions League na CAF Confederation Cup mu ijonjora rya kabiri mu mikino yakinwe ku wa Gatandatu.

APR FC yari yakoze urugendo rujya mu Misiri gukina na Zamalek SC mu mukino wo kwishyura wa CAF Champions League itsindirwayo igitego 1-0 cyatsinzwe na Ahmed Sherif ku munota wa mbere. Iki gitego cyasanzwe 1-0 yatsindiwe i Kigali mu mukino ubanza isezererwa itsinzwe ku giteranyo cy'ibitego 2-0.

Muri Mozambique ho Rayon Sports yari yakiriwe na Black Bulls FC muri CAF Confederation Cup maze inganyirizayo ibitego 2-2 bisanga 2-0 yari yatsindiwe i Kigali mu mukino ubanza nayo isezererwa ku giteranyo cy'ibitego 4-2. Ibitego bya Rayon Sports byatsinzwe na Iradukunda Elie Tatou ku munota wa 18 na Muderi Akbar ku munota wa 85.

Al Merrikh SC yo muri Sudani yo yasezerewe na Horoya AC yo muri Guinnea kuri penaliti 5-3 nyumo yo gutsinda 1-0 mu mukino wo kwishyura wabereye kuri Stade Amahoro cyatsinzwe na Mohamed Qabani ku munota wa 70, kishyuraga 1-0 yari yatsindiwe muri Guinnea mu mukino ubanza.

Ikipe rukumbi yageze mu matsinda y’imikino Nyafurika mu makipe akina BK Pro League ni Al Hilal SC yatsinze Sidama Bunna ibitego 2-0 byatsinzwe na Ernest Luzolo Sita  ku ishoti rikomeye ku munota wa 30 na Mohamed Abdelrhman Yousif Yagub, Kapiteni w’iyi Kipe ku munota wa 45+5’.

Tombora y’uko amakipe azahura mu matsinda y’imikino nyafurika iteganyijwe ku wa Gatatu tariki 28 Ukwakira 2026 saa Cyenda ku Cyicaro cya CAF, i Cairo mu misiri