Kigali, Rwanda
Updates
Al Merrikh SC 1-1 GORILLA FC • Today | ETINCELLES FC 0-2 KIGALI FC • Today | GICUMBI FC 2-1 MUSANZE FC • Today | MUKURA VS 4-1 SUNRISE FC • Today | Mukura VS yatsinze Sunrise FC ibitego 4-1 kuri Stade ya Kamena | Al Merrikh SC na Gorilla FC zagabanye amanota | Rayon Sports yaguye miswi na APR FC | Al Hilal SC yafashe umwanya wa gatatu nyuma yo gutsinda Police FC | Kiyovu Sports yanyagiye Gasogi United ifata umwanya wa kabiri by'agateganyo Al Merrikh SC 1-1 GORILLA FC • Today | ETINCELLES FC 0-2 KIGALI FC • Today | GICUMBI FC 2-1 MUSANZE FC • Today | MUKURA VS 4-1 SUNRISE FC • Today | Mukura VS yatsinze Sunrise FC ibitego 4-1 kuri Stade ya Kamena | Al Merrikh SC na Gorilla FC zagabanye amanota | Rayon Sports yaguye miswi na APR FC | Al Hilal SC yafashe umwanya wa gatatu nyuma yo gutsinda Police FC | Kiyovu Sports yanyagiye Gasogi United ifata umwanya wa kabiri by'agateganyo
News 2 min read

Mukura VS yatsinze Sunrise FC ibitego 4-1 kuri Stade ya Kamena

Rwanda Premier League 5:50 PM

Ikipe ya Mukura Victory Sports yatsinze Sunrise FC ibitego 4-1 mu mukino w'umunsi wa 10 wa BK Pro League, ibona amanota atatu y'ingenzi yayifashije gufata umwanya wa gatanu ku rutonde rwa Shampiyona.

Uyu mukino wabereye kuri Stade Kamena i Huye kuri iki Cyumweru, tariki ya 22 Ugushyingo 2026, wasize Sunrise FC yongeye gutsindirwa bikomeye muri aka Karere nyuma yo kuhanyagirirwa na Amagaju FC ibitego 4-0 ku munsi wa gatanu.

Abasore b'umutoza Momcilo Medic batangiye umukino bafite inyota y'ibitego, bafungura amazamu ku munota wa 11 binyuze kuri Samuel Pimpong. Uyu munye-Ghana yakiriye umupira watakajwe n'ubwugarizi bwa Sunrise FC, yinjira mu rubuga rw'amahina atera ishoti rikomeye mu nguni y'iburyo bw'izamu ryari ririnzwe na Rukundo Samuel.

Nyuma y'iminota umunani gusa, rutahizamu Boateng Mensah Agyenim yatsinze igitego cya kabiri ku mupira w'umuterekano bahererekanyije neza hagati ya Irumva Justin na myugariro Tuyishime Emmanuel wamuhaye umupira wa nyuma.

Ubwugarizi bwa Sunrise FC bwakomeje guhuzagurika, bituma Mukura VS itsinda igitego cya gatatu ku munota wa 24 gitsinzwe na Irumva Justin ku mupira wari uhinduwe neza na Samuel Pimpong wakinaga ku ruhande rw'iburyo.

Mukura VS yashoboraga kujya ku ruhuka ifite ibitego bine ariko igitego cyatsinzwe na Tuyishime Emmanuel ku mupira wavuye muri koruneri cyangwa n'umusifuzi wo ku ruhande Ntirenganya Elie wemeje ko habayemo kurarira.

Mu gice cya kabiri, Umutoza wa Sunrise FC, Banamwana Camarade, yinjije Umunye-Congo Rachidi Mapoli Yekini asimbuye Ntijyinama Patrick 'Mbogamizi' kugira ngo yongere imbaraga mu busatirizi. Uyu musore yagerageje gutera ishoti rikomeye ku munota wa 61 ariko umunyezamu Tuyizere Jean Luc aratabara, ashyira umupira muri koruneri.

Umutoza Momcilo Medic yakoze impinduka yinjiza Mungudit Freedom, Mutsinzi Patrick na Hussein Ssenoga, zatanze umusaruro ku munota wa 78 ubwo kapiteni Joseph Sackey yatsindaga igitego cya kane ku mupira wa koruneri wari utewe neza n'Umurundi Nizeyimana Fred.

Sunrise FC yabonye igitego cy'impozamarira ku munota wa 86 gitsinzwe na Dusengimana Elaste winjiye mu kibuga asimbuye, ku mupira yari ahawe na Rachidi Mapoli Yekini. 

Umusifuzi wa kane, Ishimwe Rene, yongeyeho iminota itanu y'inyongera itagize icyo ihindura ku mukino.

Samuel Pimpong watsinze igitego cya mbere akanatanga umupira wavuyemo ikindi ni we watowe nk'Umukinnyi w'Umukino. 

Iyi ntsinzi yatumye Mukura VS igira amanota 12 mu mikino irindwi, mu gihe Sunrise FC yagumye ku mwanya wa 10 n'amanota icyenda mu mikino umunani.

Full time

Enjoyed this story?

Share it with your fellow fans.