Ni umukino w'umunsi wa 28 wa BK Pro League wabereye kuri Stade ya Kamena aho Mukura VS yari yakiriye APR FC.

‎

‎ku munota wa gatatu w'umukino, Djibril Ouatarra yazamukanye umupira yinjira mu rubuga rw’amahina rwa Mukura VS maze Nisingizwe Christian amutereka hasi, umusifuzi atanga penaliti yatewe na Djibril Ouatarra ariko ayitera hanze.

‎

‎Ku munota wa 10, Mukura VS yabonye koruneri ariko ntiyagira icyo itanga

‎

‎Ku munota wa 21 Mukura VS yabonye umupira w'umuterekano ku ikosa ryakorewe Samson Ayirala, utewe na Iradukunda Elie Tatou ariko ujya hanze

‎

‎Ku munota wa 23, APR FC yazamukanye umupira Byiringiro Gilbert awuhinduye habura uwushyira ku mutwe

‎ku munota wa 35, umunyezamu wa APR FC, Ruhamyankiko Yvan yinjiye mu kibuga asimbuye Adolphe wavunitse.

‎

‎Ku munota wa 37 Mukura VS yabonye koruneri, umupira wazamukanywe na Mutsinzi Patrick ariko Niyomugabo Claude arawurenza.

‎Iminota 45 isanzwe y'umukino yarangiye ari 0-0. Umusifuzi wa kane, Irafasha Emmanuel yongeyeho iminota itandatu itaragize icyo itanga.

‎

‎Ku munota wa 49, APR FC yabonye igitego cya mbere cyatsinzwe na Djibril Ouatarra ku mupira mwiza yahawe na Hakim Kiwanuka.

Nyuma y’iminota itatu gusa Mukura VS yatsinze igitego cyatsinzwe na Mutsinzi Patrick ku mupira yari ahawe Niyonzima Eric ariko umusifuzi Mulindangabo Moise avuga ko habayeho kurarira.

‎

‎APR FC yatsinze igitego cya kabiri ku munota wa 54 cyatsinzwe na Hakim Kiwanuka ku mupira Byiringiro Gilbert yari azamukanye, awuhindura mu rubuga rw'amahina maze Joseph Sackey awufungira Hakim Kiwanuka.

‎

‎Ku munota wa 60 gusa Mukura VS yabonye koroneri gusa ntiyagira icyo itanga.

‎

‎Ku munota wa 62, APR FC yatsinze igitego cya gatatu cyinjijwe na myugariro Nduwayo Alexis ku mupira wari uturutse muri koruneri.

‎

‎Ku munota wa 63, Mukura VS yakoze impinduka, Samuel Pimpong Na Jordan Dimbumba binjiye mu kibuga basimbuye Ayirala Samson na Hakizimana Zuberi

‎APR FC yayo yakoze impinduka ku munota wa 68, Denis Omedi na Mamadou Sy binjiye mu kibuga basimbuye Hakim Kiwanuka na Mugisha Gilbert.

‎

‎Ku munota wa 85 APR FC yakoze impinduka, William Togui na Dauda Yusif basohotse mu kubuga hinjiramo Ngabonziza Pacifique na Iraguha Hadji

‎

‎Ku munota wa 86 Ruboneka Jean Bosco yateye ishoti riremereye hanze y'urubuga rw'amahona ariko umunyezamu wa Mukura VS, Sebwato Nicholas awushyira muri koruneri

‎

‎Rutahizamu Djibril Ouatarra yazamukanye umupira ku munota wa 88 ateye ishoti rigonga igiti cy'izamu rivamo.

‎

‎Umukino warangiye APR FC ibonye amanita atatu ku bitego bitatu bwa Mukura VS.

APR FC yatsinze uyu mukino yahise igira amanota 55 ku mwanya wa kabiri ,Mukura Victory Sports yahise igira amanota 41 ku mwanya wa 7.

Ku munsi wa 29 APR FC isakirwa na Rayon Sports muri Stade Amahoro naho Mukura Victory Sports izakire Rutsiro kuri Stade ya Kamena.