Marine FC yisubije umwanya wa mbere ku rutonde rwa BK Pro League

Marine FC yo mu Karere ka Rubavu yatsinze Police FC igitego 1-0 yisubiza umwanya wa mbere wa BK Pro League.

Iki gitego cyatsinzwe na Bizima Yannick ku munota wa 31 ku mupira wari utanzwe na Rutayisire Amani, mu mukino w'umunsi wa munani wa BK Pro League.

Marine FC yari yabanje mu izamu Itangishatse Jean Paul nyuma y'uko Kabera Bonheur yavunikiye ku mukino bahuyemo na Rayon Sports mu cyumweru giishize, mu gihe Ishimwe Pierre ataragaruka mu kibuga kubera imvune.

Nyuma yo kuvunika bitunguranye muri uyu mukino ku munota wa 16, Police FC yakoze impinduka hakiri kare Idrissu Shaibbu wari avamo hinjira Udahemuka Jean De Dieu.

Aya makipe yombi yaranzwe no gutinyana Ku mpande zombi, Ku munota wa 31 ku mupira wahinduwe na Rutayisure Aman ugasanga Bizimana Yanick ahagaze neza atsinda igitego cya mbere. Ari nacyo rukumbi cyagaragaye muri uyu mukino.

Igice cya kabiri cy'umukino kigitangaira, amakipe yombi yakoze impinduka Marine FC yinjije mu kibuga Bizimana Ipthi Hadji asimbura Muganuza Jean Pierre ni mu gihe Police FC, Kwitonda Alain Baka yasimbuye Paul Mutende, Gakwaya Leonard asimbura Ekoson Ekorie.

Ku munota wa 70 Ishimwe Djabel wari winjiye mu kibuga ku munota wa 69 asimbuye Keffa Tangare yateye umunyezamu ishoti riremereye awukuramo bimworoheye.

Iminota 90 y'umukino yarangiye nta mpinduka ku gitego cyari cyagaragaye mu mukino ari nako umukino warangiye.

Marine FC yafashe umwanya wa mbere ku rutonde rwa BK Pro League n'amanota 16, aho izigamye ibitego birindwi mu mikino umunani imaze gukina.

Marine FC izagaruka mu kibuga tariki 20 Ugushyingo 2026 yakiriye Amagaju FC, mu gihe kuri uwo munsi Police FC izaba yakiriye Al Hilal SC.